Андроид қурилмалар учун Zarnews.uz мобил иловаси. Юклаб олиш x

Музлаган йўлларда автомобиль бошқариш қоидалари бўйича эслатма

Бугун юртимиз бўйлаб қор ёғди. Автоулов соҳиблари икки карра масъулиятли бўлишлари талаб этилади.

Музлаган йўлларда машина бошқариш бўйича ушбу тавсиялар ҳаракатланиш давомида сизга асқотади, деб умид қиламиз.

➖ Агар шиналарни қишки резинага алмаштирмаган бўлсангиз, музлаган йўлда ҳайдамаганингиз маъқул;

➖ Унутманг, тезлик музлаган йўлда ҳайдовчининг асосий душмани. Автомобиль тезлиги қанчалик паст бўлса, у сизга кўпроқ итоат қилади;

➖ Масофа - йўлда иккита машина орасидаги масофани қуйидаги формула бўйича ҳисоблаш керак: автомобиль тезлиги иккига кўпайтирилади ва тўғри масофа метрларда олинади, яъни 100 км/соат учун яхши масофа 200 метрни ташкил қилади;

➖ Музли шароитда педаллар ёки ғилдирак билан кескин ҳаракатлар қилманг, тез тормозланиб, тезлашманг. Ҳар қандай манёвр автомобилингизни йўлдан чиқишига олиб келиши мумкин.

Йўлдаги вазиятни доимий равишда кузатиб боринг. Шошилманг, йўл беринг, жуда эҳтиёткор ва эътиборли бўлинг!