Андроид қурилмалар учун Zarnews.uz мобил иловаси. Юклаб олиш x

Самарқандда режадан ташқари қизамиққа қарши эмлаш кунлари ўтказилмоқда

2020 йилнинг 10 февралидан 20 февралигача Тошкент шаҳри, Самарқанд ва Қашқадарё вилоятларида қизамиққа қарши эмлаш кунлари ўтказилмоқда.

Ушбу янгилик оналарда қатор саволлар туғдирди. Жумладан, уларни нима учун ушбу вакцина қайтадан қилинаётгани  ва бу қанчалик хавфсизлиги қизиқтирмоқда. Тошкент шаҳар ҳокимлиги бу ҳақда лавҳа тайёрлади.

«Баъзи Европа мамлакатларида қизамиқ билан касалланган болалар ўлими ҳақида хабар берилган. Фарзандларимизни ҳимоя қилиш учун биз оммавий эмлашни ўтказмоқдамиз, - дейди Тошкент шаҳар Яшнобод тумани Санитария-эпидемиология маркази эпидемиология бўлими бошлиғи Гулнора Зокирова.

Унинг таъкидлашича, йилига бир марта эмланган болалар қайта эмланади. Чунки «иммунитет ҳали ривожланмаган, иккинчи эмлаш эса фақат олти ёшда амалга оширилади».

Зокированинг сўзларига кўра, барча эмлаш пунктлари вакцинация гуруҳлари, вакциналарни ташиш учун совутгичли сумкалар ва биринчи ёрдам тўпламлари билан жиҳозланган. «Вакцина енгил, бу эмлашдан кейинги реакцияларга олиб келмайди», деди у.

Ҳокимият маълумотларига кўра, бугунги кунда 20 мингдан ортиқ бола эмланиб бўлинган. Эмлаш мактабгача таълим муассасаларида ва оилавий клиникаларда амалга оширилади.

2014 йилда туғилган болаларда қизамиқ, тепки, қизилча, 2015, 2016, 2017 йилларда туғилган болаларга – ҚҚВ вакцинаси (қизилча-қизамиққа қарши вакцина) қилинади.

Жаҳон соғлиқни сақлаш ташкилотининг маълумотларига кўра, 2019 йилда дунёда қизамиқнинг 9,5 миллион касаллиги қайд этилган. 5 ёшгача бўлган 148 минг бола вафот этган.