Андроид қурилмалар учун Zarnews.uz мобил иловаси. Юклаб олиш x

Сейфдан катта миқдордаги маблағни ўмарган шахслар ушланди

2020 йил 14 январдан 15 январга ўтар кечаси номаълум шахслар Қашқадарё вилояти, Деҳқонобод тумани, Пахтачи маҳалласида яшовчи 60 ёшли И.Н.нинг уйига дераза ойнасини синдириш йўли билан ғайриқонуний равишда кириб, ичида 1.120 АҚШ доллари ва 57.500.000 сўм миқдорида нақд пуллари ҳамда уйининг кадастр ҳужжатлари бўлган темир сейфни яширин равишда қўлга киритиб, ҳодиса жойидан яширинганлар.

Мазкур ҳолат юзасидан Деҳқонобод тумани ИИБ ҳузуридаги тергов бўлинмаси томонидан Ўзбекистон Республикаси Жиноят кодексининг 169-моддаси 2-қисми “г” банди (уй-жойга ғайриқонуний равишда кириб содир этилган ўғирлик) билан жиноят иши қўзғатилган.

Олиб борилган тезкор қидирув тадбирлари жараёнида жиноятни 26 ёшли К.Ф. ва 24 ёшли Н.Т.лар содир этганлиги аниқланиб, улардан ўғирланган пулларнинг бир қисми ва темир сейф ашёвий далил тариқасида расмийлаштириб олинган.

Ўзбекистон Республикаси ИИВ ҳузуридаги Тергов департаменти хабарига кўра, К.Ф. ва Н.Т.лар гумон қилинувчи тариқасида иштирок этишга жалб қилинган, К.Ф. процессуал тартибда ушланган.

Ҳозирда дастлабки тергов ҳаракатлари олиб борилмоқда.