Android qurilmalar uchun Zarnews.uz mobil ilovasi. Yuklab olish x

Samarqand viloyatida karantin qoidalariga amal qilmaslik bo‘yicha 712 ta holat aniqlandi

Karantin tadbirlari e’lon qilingan vaqtdan bugungi kunga qadar respublikamiz bo‘yicha karantin qoidalariga amal qilmaslik bilan bog‘liq jami – 7 157 ta holat aniqlangan. Bu haqda IIV axborot xizmati xabar berdi.

Ular:

- Toshkent shahrida – 1 046 ta holat;

- Toshkent viloyatida – 632 ta holat;

- Jizzax viloyatida – 772 ta holat;

- Buxoro viloyatida – 406 ta holat;

- Samarqand viloyatida – 712 ta holat;

- Qashqadaryo viloyatida – 346 ta holat;

- Surxondaryo viloyatida – 463 ta holat;

- Xorazm viloyatida – 115 ta holat;

- Sirdaryo viloyatida – 229 ta holat;

- Farg‘ona viloyatida – 951 ta holat;

- Navoiy viloyatida – 169 ta holat;

- Namangan viloyatida – 630 ta holat;

- Andijon viloyatida – 456 ta holat;

- Qoraqalpog‘iston Respublikasida 230 ta holatni tashkil etmoqda.

Karantin qoidalari va sanitariya cheklovlariga rioya qilish yuzasidan tushuntirish ishlari olib borilishiga qaramasdan, hamon qoidabuzarlik holatlari kuzatilmoqda.

Misol uchun, joriy yilning 26 mart kuni soat 16:00 larda Toshkent viloyati, Zangiota tumani, Nazarbek QFY, Harakat mahallasida yashovchi, 2002 yilda tug‘ilgan fuqaro K.S. Zangiota tumani hududida, maxsus himoya niqobisiz jamoat joyida yurganligi aniqlangan.

27 mart kuni soat 09:50 larda Samarqand viloyati, Urgut tumani, Soyguzar mahallasida yashovchilar - 1976 yilda tug‘ilgan fuqaro U.Q. hamda 1977 yilda tug‘ilgan fuqaro Z.K.lar Urgut tumani, Soyguzar mahallasi hududida, maxsus himoya niqobisiz jamoat joyida yurganliklari aniqlangan.

27 mart kuni soat 21.00 larda Jizzax viloyati, Baxmal tumani, Do‘stlik MFYda yashovchi, 1995 yilda tug‘ilgan fuqaro I.A. umumiy ovqatlanish va ko‘ngilochar joylar faoliyatini vaqtinchalik to‘xtatib turish to‘g‘risida ogohlantirilgan bo‘lishiga qaramasdan, shu hududda joylashgan o‘ziga qarashli umumiy ovqatlanish maskanida 5 nafar mijozlarga xizmat ko‘rsatayotganligi aniqlangan.

Yuqoridagi kabi holatlar yuzasidan huquqbuzar fuqarolarga nisbatan Ma’muriy javobgarlik to‘g‘risidagi kodeksning 54-moddasi asosida jarima qo‘llangan.

Ta’kidlab o‘tamiz, har birimiz zimmamizdagi vazifalarga yanada mas’uliyat bilan yondashib, sanitariya-gigiyena talablariga qat’iy rioya qilishimiz, eng bebaho ne’mat bo‘lgan sihat-salomatlikni asrash va himoya qilish uchun barcha zarur choralarni amalga oshirishimiz shart.