Андроид қурилмалар учун Zarnews.uz мобил иловаси. Юклаб олиш x

2-4 июнь кунлари Самарқандда сел-сув, тошқин ҳодисалари юзага келиши мумкин

Республика гидрометеорология хизмати маркази маълумотига кўра 2-4 июнь кунлари республиканинг тоғолди ва тоғли ҳудудларида вақти-вақти билан ёмғир, айрим жойларида дўл ёғиши мумкин.

Жумладан, Самарқанд вилоятининг Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон туманларининг тоғли ва тоғолди ҳудудларида сел-сув тошқин хавфи мавжуд.

Шунингдек, 2 июнь куни мамлакатимизнинг шимолий, жанубий ва чўл ҳудудларида, 3-4 июнь кунлари эса республикамизнинг баъзи жойларида шамол тезлиги 18-23 м/с гача кучайиши мумкин, айрим жойларда чанг тўзонлари кузатилиши кутилмоқда.

Самарқанд вилояти фавқулодда вазиятлар бошқармаси аҳолидан эҳтиёткорлик чораларини кўришни сўрамоқда.