Божхонада пайпоқ ичида “Трамадол” ўтказмоқчи бўлган фуқаро аниқланди
Самарқанд вилояти божхона бошқармаси “Жартепа” чегара божхона пости орқали ҳаракатланган қўшни давлат фуқароси Ф.Ж.га тегишли қўл юклар рентген аппарати ёрдамида кўздан кечирилганда юқоридаги ҳолат аниқланган.
Бу ҳақда zarnews`га вилоят божхона бошқармаси хабар бермоқда.
Ускуна орқали юклар кўздан кечиирилганда фуқаро томонидан пайпоқ ичига яшириб олиб ўтилмоқчи бўлган 60 дона “Трамадол – 50 мг” номли таркибида гиёҳвандлик воситаси бўлган дори воситалари борлиги аниқланган.
Ҳозирда ушбу ҳолат юзасидан божхона органлари томонидан суриштирув ишлари олиб борилмоқда.
