Булунғур туманида аҳоли учун 20 турдаги тор соҳа мутахассислари иштирокида чуқурлаштирилган тиббий кўрик ўтказилди

Тиббий кўрикка вилоят ва Республика ихтисослаштирилган тиббиёт муассасаларининг Самарқанд вилояти филиалларида фаолият юритаётган шифокорлар, махсус тиббий ускуналар билан жалб қилинди.

3000 нафардан зиёд туман фуқаролари тиббий текширувлардан ўтди.
Шунингдек, тадбир доирасида соғлиги ва имконияти туфайли тиббий кўрикка келолмаган бир гуруҳ фуқароларнинг хонадонларига борилиб, сайёр тиббий кўриклар ташкил этилди.

Бундан ташқари, туман тиббиёт бирлашмасида вилоятнинг малакали шифокорлари иштирокида юқори технологияли жарроҳлик амалиётлари ўтказилди, дея хабар бермоқда вилоят ССБ ахборот хизмати.