Эндиликда поликлиникаларда ҳисобга туриш электрон бўлади

Вазирлар Маҳкамасининг жисмоний шахсларни давлат тиббиёт муассасаларига ҳисобга қўйиш тартибини янада осонлаштириш бўйича қарори билан поликлиникаларга ҳисобга қўйиш:

- доимий ёки вақтинча яшаш жойи бўйича рўйхатдан ўтганда автоматик тарзда янги манзилдаги тиббиёт муассасасига ҳам ҳисобга қўйиш;

- YIDXP (my.gov.uz) орқали ариза берган ҳолда;

- бевосита поликлиникага мурожаат қилган ҳолда;

- туғилган болани онасининг яшаш манзилига туғилишни қайд этиш билан бир вақтда рўйхатга қўйиш орқали амалга оширилади.

Хизмат якунида ариза берувчилар тиббиёт муассасига ҳисобга қўйилганлик тўғрисида тегишли маълумотномани (QR-код қўйилган) электрон ёки қоғоз шаклида олишлари мумкин бўлади.