Мигрантларсиз Москва қорга кўмилди

Москвада — қорли коллапс. Коммунал хизматлар вазиятни уддалай олмаяпти — ва бу тасодиф эмас.

Кўчаларни тозалашни йиллар давомида Марказий Осиёдан келган мигрантлар ўз гарданига олиб келган. Аммо оммавий рейдлар, депортациялар ва «хавфсизликка таҳдид» ҳақидаги жазавадан сўнг улар оммавий кета бошлашди. Ва кутилмаганда маълум бўлдики: уларсиз кўчалар ўз-ўзидан тозаланмайди.

Энди маҳаллий аҳолининг ўзи белкурак олиб кўчага чиқяпти, автобус ва машиналарни қордан тозалаяпти, коммуналчиларни лаънатлаяпти — ва шу билан бирга яқиндагина «Чемодан — вокзал — уйингга!» деб бақирганларини эслаяпти.

Ҳукумат эса ишчи кучи етишмаслигини Ҳиндистондан келган ишчилар билан шошилинч тўлдиришга уриняпти. Лекин ижтимоий тармоқларда аллақачон шикоятлар бошланган: гўёки «улар бошқача», «совуққа тайёр эмас», «қорни тозаламайди» ва бошқа.