Андроид қурилмалар учун Zarnews.uz мобил иловаси. Юклаб олиш x

Пандемия даврида қайси маҳсулотлар қимматлашди?

Юртимизда коронавирус туфайли карантин тартиби жорий этилганига 5 ой бўлди. Пандемия даврида аҳолини ижтимоий қўллаб-қувватлаш, озиқ-овқат маҳсулотларига бўлган талабини қондириш, нарх-наво барқарорлигини таъминлаш мақсадида деҳқон бозорлари ва озиқ-овқат дўконлари фаолиятига чекловлар татбиқ этилмади. Аммо карантин бошланган кунларда озиқ-овқат маҳсулотлари нархларининг сунъий оширилиш ҳолатлари кузатилган бўлса-да, маҳсулот мўллиги туфайли савдолар тартибга келтирилди.

Хўш, бугунги кунда бозорларимизда қишлоқ хўжалиги ва асосий турдаги озиқ-овқат маҳсулотларининг нархи қандай?

Пайариқ туманидаги “Челак деҳқон бозори”да август бошигача 47-52 минг сўмдан сотилган мол гўшти ҳозирда 52-60 минг сўмдан сотилмоқда. Парранда гўшти 18 минг сўм, қўй гўшти 65 минг сўм, пиёз 1500-1600 сўм. Ёғ (5 литр) 50-55 минг сўмдан сотилмоқда.

- 10 сотих томорқамга помидор эккандим, - дейди А.Латипов. – 40 килограмм помидорни 2500 сўмдан сотиб уйга бозорлик қилмоқчи эдим, афсус помидорни килограмини 1500 сўмдан сотдим. 20 минг сўм йўлкирани айтмаса помидорни пули бир килограмм гўштга етаркан, холос.   

“Сиёб деҳқон бозори”да картошка бир килограми 3500, пиёз 1800-2000, сабзи 2000-3500, тухум бир донаси 600-850 сўмдан, гўшт 55-56 минг сўмдан сотилмоқда.

- Бозор қошидаги “Аюб Барака” унитар корхонаси томонидан нарх-наво барқарорлигини таъминлаш учун етарли миқдорда қишлоқ хўжалик маҳсулотлари захираси тайёрланганди, - дейди “Сиёб деҳқон бозори” масъулияти чекланган жамияти директори ўринбосари Яшин Жамолиддинов. – Ушбу корхона бозорда нарх-наво барқарорлигини таъминлаш учун тайёрланган захира маҳсулотлари ҳисобидан деҳқонларимиз биринчи ҳосилни савдога чиқаргунча асосий турдаги қишлоқ хўжалиги маҳсулотларини бозордан 20 фоиз арзон нархда аҳолига етказиб берди. Ҳозирда мазкур корхона томонидан арзонлаштирилган нархда бозордаги ўндан ортиқ савдо нуқтасида аҳолига 50 минг сўмдан сифатли гўшт маҳсулотларининг савдосини ташкил этди.

- Кўп йилдан буён шу ердан бозорлик қиламан, - дейди Садбара Низомова. – Аввал, маҳсулот харид қилаётганда нархига эътибор берардик, ҳозир кўпроқ сифатига қараяпмиз. Шукрки, бозорларда тўкинчилик, мева-чева, қовун-тарвузни арзонлигини айтмайсизми. Пандемия туфайли айрим маҳсулотнинг нархи бироз ошган бўлса-да, бозордаги озодалик, тартиб жуда яхши бўлди.     

Маълумот учун, бозор маъмурияти тақдим этган асосий турдаги қишлоқ хўжалик ва озиқ-овқат маҳсулотларини солиштириб ўтсак.

                    2019 йил август     2020 йил май      2020 йил август

 

2019 йил август                 

2020 йил май              

2020 йил август                

Картошка (кг)

1500-2500               

3000-3500                           

2500-3800

Пиёз (кг)

1500-2800               

1500-2000                               

1500-2000

Сабзи (кг)

2000-2500               

1500-5000                           

1500-2000

Тухум (дона)

450-600                   

800-900                                 

700-950

Мол гўшти (кг)

40000-45000           

45000-48000                         

50000-55000

Қўй гўшти (кг)

40000-45000           

45000-48000                        

 

Товуқ гўшти (кг)

15000-16000            

16000-18000                         

18000-19000

Помидор (кг)

1500-6000                 

4000-10000                           

2000-2500

Бодринг (кг)

2000-2500                

1000-2000                      

3000-3500