Самарқандлик бадиий гимнастикачи Тахмина Икромова Ўзбекистон учун Париж-2024 ёзги олимпия ўйинларига илк йўлланмани тақдим қилди

Испаниянинг Валенция шаҳрида бадиий гимнастика бўйича жаҳон чемпионати бўлиб ўтмоқда.

Мусобақада иштирок этган самарқандлик спортчи Тахмина Икромова Ўзбекистон делегацияси учун Париж-2024 ёзги олимпия ўйинларининг илк йўлланмасини тақдим қилди.

Тахмина кўпкураш дастурида 4 машқ якунидан сўнг 124.200 балл билан 9 ўринни эгаллади ва бу билан Париж-2024 олимпиадасига йўлланма берувчи 14 таликдан жой олди.

Шунингдек, спортчимиз булава ва тасмадаги машқда финал босқичига чиқди.