Андроид қурилмалар учун Zarnews.uz мобил иловаси. Юклаб олиш x

Шаҳарда шовқин тарқалишининг харитаси яратилади

Самарқанд аэрогеодезия корхонаси ходимлари томонидан Самарқанд давлат архитектура-қурилиш институти мустақил изланувчилари билан ҳамкорликда ишлаб чиқилган “Шаҳарда шовқин тарқалиши харитасини тузиш услубиятини такомиллаштириш, маълумотларни геомоделлаштириш” усули синовдан ўтказилди.

Жорий йилнинг январь-февраль ойларида бу усул амалиётга жорий этилди.

Ўлчаш амалиёти Мирзо Улуғбек, Рудакий, Регистон кўчаларида GPS қурилмалари ёрдамида геодезик асос яратилди, ҳар бир асосда шумометр ёрдамида шовқин ўлчанди ва харитада шовқин тарқалишининг картографик тасвирлар орқали шартли белгилари қўлланилди.

Шаҳар шовқин харитасида кўчаларда ўрнатилган асослардан фойдаланиб, шовқин тарқалишининг картографик белгилари тасвирланган. Мазкур инновацион иш амалда шаҳарларнинг шовқин тарқалиш харитасини тузишда шаҳар бош архитектураси, соғлиқни сақлаш, экология ва атроф-муҳитни муҳофаза қилиш мониторингини юритиш имкониятини яратади.