Android qurilmalar uchun Zarnews.uz mobil ilovasi. Yuklab olish x

6-sinf o‘quvchisiga shilqimlik qilgan shaxs jazoga tortildi

Shu yil 23 fevral kuni telegram ijtimoiy tarmog‘idagi “Namanganliklar” kanalida “Namanganda Oromgoh yo‘lida Pedofil qo‘lga olindi. Odam qiyofasidagi shayton qizlarni aldab, xushomad qilib, mashinasiga solib, chekka joylarga olib borarkan” mazmundagi xabar va video bilan joylangan.

Namangan viloyati IIB axborot xizmatining ma’lum qilishicha, videotasvir yuzasidan olib borilgan surishtiruv ishlari natijasida quyidagilar ma’lum bo‘ldi.

Namangan shahrida yashovchi fuqaro N.O. 2020 yil 11 fevral kuni kech soat 18.00 lar chamasida o‘zining boshqaruvida bo‘lgan avtomashinasini boshqarib ketayotib, Namangan shahar Mustaqillikning 5 yilligi MFY Charxpalak ko‘chasi boshida 6-sinf o‘quvchisi, voyaga yetmagan R.O. va uning sinfdoshlarini ko‘rib, ularni to‘xtatadi. Ularga yo‘li shu tomondaligi va yo‘l-yo‘lakay qizlarni tashlab qo‘yishini aytgan hamda avtomashinasida qizlarni manzillariga tashlab, voyaga yetmagan R.O.ga esa pul berib, uni ismini so‘ragan. Shu vaqtda qo‘rqib ketgan R.O. shovqin ko‘targan. Buni eshitgan yaqin atrofdagi odamlar ichki ishlar bo‘limiga xabar berishgan.

Holat yuzasidan olib borilgan tergov surishtiruv ishlari va guvohlarning ko‘rsatmasi natijasida fuqaro N.O. voyaga yetmagan qizga shilqimlik qilib, jamoat tinchini buzgani aniqlandi.

2020 yil 12 fevral kuni Norin tumani ma’muriy sudi tomonidan Namangan shahar IIO FMB 2-sonli IIB binosida bo‘lib o‘tgan sayyor sud majlisida fuqaro R.O. O‘zbekiston Respublikasi Ma’muriy javobgarlik to‘g‘risidagi kodeksining 183-moddasida ko‘rsatilgan huquqbuzarlikni sodir etgan deb topilib, jarima jazosi tayinlangan.