Android qurilmalar uchun Zarnews.uz mobil ilovasi. Yuklab olish x

Oddiy aspirinning biz bilmagan 10 siri

Aspirin dorisining nafaqat og‘riq qoldiruvchi, balki ro‘zg‘orda bekalarimizga foydali xususiyatlari haqida hech o‘ylab ko‘rganmisiz. Marhamat, ular bilan tanishing!

 Husnbuzarlarni yo‘qotishga yordam beradi
Aspirin dorisi shamollashni olish xususiyatiga ega bo‘lganligi bois, yuzdagi husnbuzarlarni kamaytirib, terini tinchlantiradi. Buning uchun 2-3 ta dona aspirin tabletkasini maydalab, limon suvi bilan aralashtiring va yuzingizga suring. Bir daqiqadan so‘ng yuvib tashlang. Bu surtmani quyoshga chiqishdan oldin surtib chiqish mumkin emas.

 Hasharotlarning chaqishida qichimalarning oldini oladi
Aspirin hasharotlar chaqqanda kelib chiqadigan shishlarni va qichimalarning oldini oladi. Bir dona tabletka qobig‘ini yuvib tashlang. So‘ngra dorining ichini birozgina suvga qo‘shib maz holatiga keltiring va chaqilgan joyga qo‘yib bir necha daqiqa ushlab turing.

 Yuzdagi teshikchalarni kichraytiradi
Tayyorlanishi uchun 5 daqiqa vaqtingizni oluvchi ushbu niqob yuz terisidagi teshikchalarni kichraytiradi, silliqlashtiradi va tekkislaydi. Buning uchun:
•  7 dona qobiqsiz aspirin tabletkasi;
•  3 qoshiq yogurt yoki smetana;
•  1 qoshiq asal kerak bo‘ladi.
Niqobni tayyorlab yuzingizga suring, 3-5 daqiqadan keyin yuvib tashlang.

 Qazg‘oqlarni bartaraf etadi
Qazg‘oqlarni bartaraf etish uchun 2 dona aspirin tabletkasini maydalab bir marta yuvish uchun mo‘ljallangan shampunga qo‘shib, boshingizni yuving.

 Aspirin – eksfoliant (piling)
2-3 dona aspirin tabletkasini suvga aralashtirib tanangizga yaxshilab surib chiqing, birozdan so‘ng yuvib tashlang, tana terisi mayinlashadi. Agar teringiz nozik bo‘lsa bunday surtmani qo‘llamaganingiz ma’qul, aks holda qizartirib yuborishi mumkin.

 Oyoqdagi qadoqlarni ketkazadi
7 dona aspirin tabletkasini maydalab bir qoshiq limon suviga aralashtiring. Hosil bo‘lgan surtmani poshnangizga qo‘ying va issiq holatda ushlab turing. 10 daqiqadan so‘ngra yuvib tashlang.

 Sochlarni mustahkamlaydi
Aspirin hatto sochlarni mustahkamlashda ham yordam beradi. Buning uchun bir plastinka aspirinni bir piyola iliq suvga aralashtiring va boshingizni yuvgandan keyin sochingizga yaxshilab qo‘yib chiqing. Niqobni 15 daqiqadan keyin yuvib tashlashingiz mumkin. Sochlaringiz nafaqat mustahkamlanadi, balki jilolanib yaltiraydi.

 Kiyimlardagi dog‘larni yo‘qotadi
Kiyimlardagi terdan paydo bo‘lgan sarg‘ish dog‘larni ketkazish uchun aspirin donalarini suvda eritib o‘sha joyiga surtib kechgacha qo‘ying. Keyin odatdagidek kiyimlarni yuvib tashlashingiz mumkin, kiyimlaringiz asl holatiga qaytadi.

 Vannani yaltiratadi
Vannani tozalash uchun 5 dona aspirin tabletkasini tozalash vositasiga qo‘shib ishqalab qo‘ying. Yarim soatlardan keyin vannani gubka bilan yengil yuvib tashlang.

 Atirgullarning umrini uzaytiradi

Atirgullar turgan guldonga bir dona aspirinni tashlang. Aspirin suvda bakteriyalarning ko‘payishiga yo‘l qo‘ymaydi va gullar uzoq turadi.