Android qurilmalar uchun Zarnews.uz mobil ilovasi. Yuklab olish x

Osiyo chempionati-U23:O‘zbekiston «Xitoy devori»ni «buza oladi»mi?

Ochig‘i, keyingi kunlarda ijtimoiy tarmoqlarda sarlavhadagi gaplar, fikrlar, taxminlar ko‘paydi. Bu bejiz emasligini hozirgina Songhlada Eron va Janubiy Koreya jamoalari o‘rtasidagi uchrashuv yakunlangani, unda Janubiy Koreya 2:1 hisobida g‘alaba qozonib muddatidan avval pley-off masalasini hal qilganidan yaqqol ko‘ryapmiz.

Ha, ayni kunlarda Tailandda 23 yoshgacha bo‘lgan futbolchilar o‘rtasidagi Osiyo chempionati davom etmoqda. Yana sanoqli daqiqalardan keyin, aniqrog‘i, Toshkent vaqti bilan 18:15 da O‘zbekiston va Xitoy o‘rtasidagi o‘yin boshlanadi.

Janubiy Koreya ikki o‘yin natijasiga ko‘ra 6 ochko to‘plab pley-offga chiqdimi, demak, ikkinchi bo‘lish uchun bugun yosh futbolchilarimiz faqat va faqat g‘alaba uchun maydonga tushishlari kerak.

Keling, o‘yinni birga kuzataylik, yigitlarga omad, g‘alaba tilaylik!

Olg‘a, O‘zbekiston!