O‘zbek tilida so‘zlashuvchilar soni 60 million nafardan ortiq
«Dunyo» axborot agentligi ma’lumotiga ko‘ra, hozirda xorijiy davlatlardagi 50 dan ortiq o‘quv yurtida o‘zbek tili o‘rgatilmoqda.
Dunyoning eng ko‘p so‘zlashuvchi til reytinglari ko‘rsatkichlari bo‘yicha o‘zbek tili 54-o‘rinni egallaydi. Bunga ko‘ra, o‘zbek tilida mahalliy so‘zlashuvchilar soni 25 milliondan ortiq deb ko‘rsatilgan.
Agarda o‘zbek tili nufuzini nafaqat milliy, balki xalqaro miqyosda oshirish bilan bog‘liq kompleks chora-tadbirlar ishlab chiqilsa va buni amalga oshirish bilan bog‘liq sa’y-harakatlar aynan til bayrami arafasida emas, balki muntazam tarzda olib borilsa, shuningdek umumiy so‘zlashuvchilar sonini hisobga olib taxmin qilish mumkinki, O‘zbek tili jahon reytingi bo‘yicha "Top-30" talik o‘rinlarga da’vogarlik qila oladi.
