Android qurilmalar uchun Zarnews.uz mobil ilovasi. Yuklab olish x

Rossiya AQSh va NATOdan xavfsizlik bo‘yicha takliflariga javob oldi

Qo‘shma Shtatlar va NATO Rossiya vakillariga Moskvaning xavfsizlik kafolatlari bo‘yicha takliflariga intiq kutilgan yozma javobni topshirdi, deya xabar bermoqda euronews nashri. Vashington arizasiga binoan, maxfiy muzokaralar uchun imkoniyat qoldirish maqsadida bu hujjatlar mazmuni oshkor etilmaydi.

Rossiya tashqi ishlar vaziri Sergey Lavrov Davlat dumasi yalpi majlisida so‘zlagan nutqida, agar bunday so‘rov kelib tushsa, Rossiya AQShning xavfsizlik kafolatlari bo‘yicha javobini e’lon qilmasligini aytdi. Shu bilan birga, u Vashington reaksiyasi mohiyati jamoatchilikka yetkazilishini ta’kidladi.

Qo‘shma Shtatlar va NATO esa javoblar nafaqat o‘zaro, balki Kiyev bilan muvofiqlashtirilgan tarzda berilganini bildirishdi.

Yens Stoltenberg, NATO Bosh kotibi:
"NATO mojaro va kelishmovchiliklarni kuch yoki kuch ishlatish tahdidi yo‘li emas, balki muloqot va diplomatiya yo‘li bilan hal qilish kerakligiga qat’iy ishonadi. Va bugun NATO AQSh bilan birgalikda Rossiyaga yozma takliflarini taqdim etdi"

Entoni Blinken, AQSh Davlat kotibi:
"Biz taqdim etgan hujjatda AQSh va ittifoqchilarimiz, hamkorlarimiz tomonidan Rossiyaning xavfsizlikka putur yetkazuvchi xatti-harakatlari yuzasidan xavotir bildirilgan. Unda shuningdek, Rossiya tomonidan bildirilgan xavotirlarga prinsipial va pragmatik baho va kelishish mumkin bo‘lgan mavzular bo‘yicha takliflarimiz berilgan".

Shu bilan birga NATO Alyans javobida “katta imtiyozlar” mavjud emasligiga ishora qildi.

17 dekabr kuni Rossiya Tashqi ishlar vazirligi Moskva Vashington va NATOdan kutayotgan xavfsizlik kafolatlari bo‘yicha Rossiya kelishuvlari loyihalarini e’lon qilgan edi. Qo‘shma Shtatlar va alyans a’zolari bilan ikki shartnoma - boshqalar qatori, NATOni sharqqa kengaytirish, jumladan Ukrainani unga qabul qilishdan bosh tortish, shuningdek, jiddiy qurollanishni, xususan yadroviy qurollarni joylashtirish cheklovlarini rad etishni nazarda tutadi.

NATO bunga javoban tashkilotga yangi a’zolarni qabul qilishni sun’iy ravishda cheklamasligini bildirdi.