Samarqand shahar ko‘chalarida qarama-qarshi yo‘nalishda harakatlangan haydovchiga chora ko‘rildi
Ijtimoiy tarmoqlarda "Malibu" rusumli avtomobil haydovchisi transport vositasining davlat raqam belgisini o‘zboshimchalik bilan yechgan holda Samarqand shahar ko‘chalarida qarama-qarshi yo‘nalishda harakatlanib yurganligi aks etgan videolavha tarqaldi.
Video Samarqand viloyati IIB yo‘l harakati xavfsizligi boshqarmasi mas’ul xodimlari tomonidan o‘rganildi.
Qoidalarni qo‘pol tarzda buzib harakatlangan haydovchiga nisbatan Ma’muriy javobgarlik to‘g‘risidagi Kodeksning 125 hamda 128⁵-moddasi tartibida ma’muriy bayonnoma rasmiylashtirildi.
"Malibu" avtomobili vaqtincha saqlash uchun jarima maydoniga joylashtirildi.
