Samarqand shahrida 300 million so‘mlik qalbaki spirtli ichimliklar savdosi to‘xtatib qolindi
DXX viloyat boshqarmasi hamda viloyat IJQK Departamenti bilan hamkorlikda spirtli ichimliklar va tamaki mahsulotlarning noqonuniy aylanmasiga qarshi kurashish doirasida tadbir o‘tkazilgan. Tadbir davomida Samarqand shahrida joylashgan “Raim bobo universal” MChJga qarashli spirtli ichimliklar saqlash ombori ko‘zdan kechirilganda, jami qiymati 300 million so‘mni tashkil qiluvchi qalbaki va aksiz markasi yo‘q bo‘lgan spirtli ichimliklar noqonuniy ravishda saqlab kelinayotganligi aniqlangan.
Hozirda holat yuzasidan O‘zbekiston Respubilkasi JKning tegishli moddalari bilan jinoyat ishi qo‘zg‘atilib, tergov harakatlari olib borilmoqda.
