Android qurilmalar uchun Zarnews.uz mobil ilovasi. Yuklab olish x

Sudya bo‘lish uchun endi kamida 35 yosh talab etiladi

“Ba’zi davlat organlarining faoliyati takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonun Prezident tomonidan imzolandi (O‘RQ-566-son, 10.09.2019 y.). Bu haqda "Huquqiy axborot" kanali ma’lum qildi.

Qonun bilan 10 dan ortiq qonunlarga o‘zgartirish va qo‘shimchalar kiritildi.

Sudlar to‘g‘risidagi qonunga kiritilgan o‘zgaritishlarga ko‘ra, endilikda sudya bo‘lish uchun 35 yosh talab etiladi (ilgari 30 yosh edi).

Shuningdek, sudyalik lavozimiga birinchi marta tayinlanadigan zaxiradagi nomzodlar Sudyalar oliy maktabida o‘rtacha oylik ish haqi saqlanmagan holda o‘qishi belgilandi (ilgari, o‘rtacha oylik ish haqi saqlangan).

Qonun bilan Xalq maslahatchilarining ham yoshi 35 yosh etib belgilandi (ilgari 30 yosh edi).

Ushbu qonun rasmiy e’lon qilingan kundan e’tiboran kuchga kiradi.