Android qurilmalar uchun Zarnews.uz mobil ilovasi. Yuklab olish x

Sug‘diyona maskanida 3 ta avtomashina ishtirokida YTH sodir bo‘ldi (video)

Samarqand shahar Sug‘diyona maskani, Nodirabegim mahallasi hududidagi ichki yo‘llarning kesishgan chorrahasida yo‘l-transport hodisasi yuz bergan. Bu haqda Samarqand viloyati IIB axborot xizmati ma’lum qildi.

Qayd etilishicha, 2020 yil 11 mart kuni soat 17:00 larda Samarqand shahar Sug‘diyona maskani, Nodirabegim mahallasi hududidagi ichki yo‘llarning kesishgan chorrahasida haydovchi I.N. boshqaruvidagi “Kaptiva” rusumli, qizil rangli avtomashina old qismi bilan haydovchi O‘.S. boshqaruvidagi “GAZ-330232” rusumli avtomashina bilan to‘qnashib ketgan.

Oqibatda “GAZ-330232” rusumli avtomashina harakatlanib yo‘lning qatnov qismi chetida to‘xtab turgan haydovchi B.A. boshqaruvida bo‘lgan “VAZ-2107” rusumli avtomashina bilan to‘qnashib, yo‘l-transport xodisasi sodir bo‘lgan.

Yo‘l-transport xodisasi oqibatida biror-bir shaxslar tan jarohati olmagan.

Shikastlangan avtomashinalar jarima maydonchasiga joylashtirildi.

Haydovchilar hushyor holatda bo‘lgan.

Hozirda Samarqand shahri bo‘yicha IIO FMB YHXB tomonidan tergovga qadar tekshiruv harakatlari olib borilmoqda.