Urgutda chilangar-ta’minotchi salkam 111 million so‘mlik suyultirilgan gazni o‘zlashtirgan
Holat Bosh prokuratura huzuridagi departamentning Urgut tumani bo‘limi tomonidan o‘tkazilgan tergovga qadar tekshiruvda aniqlangan.
Aniqlanishicha, “Urgut tumangaz” gaz taqsimlash bo‘limi suyultirilgan gaz xizmati chilangar-ta’minotchisi soxta xujjatlarni rasmiylashtirgan. Bu orqali aholiga tarqatilishi lozim bo‘lgan 110,7 million so‘mlik suyultirilgan gazni boshqa shaxslarga sotib yuborgan. Bu pul mablag‘larini o‘zlashtirish yo‘li bilan talon-toroj qilgan.
Holat yuzasidan o‘zlashtirish yoki rastrata yo‘li bilan talon-toroj qilish hamda hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish bilan bog‘liq jinoyat ishi qo‘zg‘atilgan.
