Android qurilmalar uchun Zarnews.uz mobil ilovasi. Yuklab olish x

YPX xodimi haydovchidan pora olayotganda ushlandi

Toshkent shahrida avtomobilni hujjatlarsiz boshqargani uchun ulovi jarima maydoniga olingan haydovchiga “yaxshilik” qilish uchun undan pora olayotgan YPX xodimi ushlandi. Bu haqda Yo‘l harakati xavfsizligi bosh boshqarmasi ma’lum qildi.

Joriy yilning 6 fevral kuni fuqaro U.A. huquqni muhofaza qiluvchi organlarga qilgan murojaatiga asosan tezkor tadbir o‘tkazilgan. Unda Toshkent shahar IIBB YHXB YPX brigadasi maxsus divizioni YPX inspektori A.B. fuqaro U.A.dan transport vositasini tegishli hujjatlarsiz boshqarganligi uchun jarima maydonchasiga joylashtirilgan “Matiz” rusumli transport vositasini chiqarib berish maqsadida ta’magirlik yo‘li bilan 220 000 so‘m pulni pora tariqasida olayotgan vaqtda ushlangan. Ma’lum bo‘lishicha, A.B. o‘zining boshqaruvidagi xizmat avtomashinasi bilan sodir etgan qoidabuzarligi jarimasini to‘lash uchun fuqarodan pora olgan.

Mazkur holat yuzasidan YPX inspektori A.B. nisbatan O‘zbekiston Respublikasi Jinoyat kodeksining 210-moddasi 1-qismi bilan jinoyat ishi qo‘zg‘atilgan.

Hozirda holat yuzasidan tergovoldi surishtiruv ishlari olib borilmoqda.